“Yoshlar bilan ishlash, ularning muammolarini hal qilish va bo‘sh vaqtlarini samarali o‘tkazish bo‘yicha amalga oshirilgan ishlar” yuzasidan brifing o'tkazildi
2025-03-20 12:30:00 / Matbuot anjumanlari
Bugungi kunga qadar yoshlar ishlari agentligi tomonidan hududlar va tuman (shahar)larda shtablar tuzilib, respublikamizdagi 9 452 ta mahallada yoshlar to‘liq xatlovdan o‘tkazildi va 9,2 mln yoshning “Yoshlar balansi” yangidan shakllantirildi.
Yoshlarning individual muammosini hal qilish, qiziqishi va iqtidorini ro‘yobga chiqarish bo‘yicha Respublika komissiyasi va Davlat xavfsizlik xizmati nazorati ostida tizimli ishlar amalga oshirildi. Xususan:
Yoshlarning muammo va takliflarini o‘rganish, ularni hal etish maqsadida 208 ta tuman (shahar)da mahalliy sektor rahbarlari tomonidan mahalladagi va xorijdagi yoshlar bilan 1 432 ta uchrashuv o‘tkazilib, uchrashuvlar davomida 27 ming 597 nafaryoshning 2 ming 743 ta muammo va takliflari tinglandi. Shundan, 1 ming 736 tasi joyida bartaraf etilib, 1 ming 7 tasi manzilli tadbirlar rejasiga kiritildi.
Yoshlar orasida jinoyatchilik va huquqbuzarlikni barvaqt oldini olish maqsadida kriminogen vaziyati og‘ir bo‘lgan mahallalarda 28 ta “jinoyat muhokamasi” va “Sayyor sudlar”ni o‘tkazilib, 2 200 nafar yosh jalb qilindi.
Yoshlarni tadbirkorlik va biznes loyihalarini qo‘llab-quvvatlash maqsadida “Yoshlar tadbirkorligini rivojlantirish davlat maqsadli jamg‘armasi” tashkil etildi.
Yoshlarni harbiy-vatanparvarlik ruhida tarbiyalash, ular o‘rtasida sog‘lom turmush tarzini targ‘ib etish maqsadida “mahalla – sektor – tuman (shahar) – hudud – respublika” darajasida “Shijoat va g‘ayrat” harbiy-sport musobaqalariga ro‘yxatdano‘tish boshlandi, “Shunqorlar” harbiy-vatanparvarlik spartakiadasini tashkil etish va o‘tkazish bo‘yicha hujjatlar loyihalari ishlab chiqilib, mutasaddi tashkilotlar hamkorligida kelishilmoqda.
“Yoshlar daftari”ga 27,1 ming nafar yosh kiritilib, “mahalla yettiligi” tavsiyasi asosida 7,9 ming nafar yoshga ijtimoiy-iqtisodiyyordam ko‘rsatildi.
Jumladan, 3847 nafar yoshga to‘lov-shartnoma, 896 nafar yoshga mehnat qurollari, 676 nafar yoshga tibbiy yordam uchun subsidiya ajratildi, 562 nafar yoshga ilm-fan, sport va madaniyat yo‘nalishlarida o‘qish xarajatlari qoplab berildi.
Dehqonchilik qilish uchun 8,9 ming nafar ishsiz yoshga “mahalla yettiligi” tavsiyasi berildi hamda 5,1 ming gektarunumdor yer maydoni elektron onlayn 2 auksion savdolariga chiqarildi, shundan 827 nafar yosh tomonidan 483 gektar yer maydonlari yutib olindi va dehqonchilik ishlari boshlandi.
Mahallalardagi jinoyatga moyil bo‘lgan 53,5 ming nafar yosh ro‘yxati shakllantirilib, huquq-tartibot va mudofaa organlariga otaliqqa biriktirish choralari ko‘rilmoqda.
Xorijiy tillar bo‘yicha xalqaro imtihon tizimlaridan C1 darajadagi sertifikatga ega bo‘lgan 2 317 nafar yoshga 5,1 mlrd so‘m imtihon topshirish xarajatlari qoplab berildi.
Mahallalardagi 9 452 nafar yoshlar yetakchilarini o‘qitish, malakasini doimiy oshirib borish, ularga metodik ko‘mak ko‘rsatish maqsadida “Yoshlar yetakchilarini qo‘llab-quvvatlash markazi” faoliyati yo‘lga qo‘yildi.
“Besh tashabbus olimpiadasi” 2025 yilgi mavsumiga start berildi, bugungi kunga qadar olimpiada doirasidagi tanlov va musobaqalarda ishtirok etish uchun 5.7 mln nafar yosh ro‘yxatdan o‘tdi.
Yoshlarni kitobxonlikka keng jalb etish maqsadida 3 yosh toifasida an’anaviy ravishda o‘tkazib kelinayotgan “Yosh kitobxon” tanlovining hududiy bosqichlari o‘tkazildi. Ta’kidlash lozim, tanlovning mahalla, sektor va tuman (shahar) bosqichlarida 912 ming nafar yosh ishtirok etdi.
“Yosh kitobxon” tanlovining respublika bosqichi joriy yilning 24-31-mart kunlari Andijon viloyati Marhamat tumanidagi Yoshlar kutubxonasida bo‘lib o‘tadi.
Joriy yil 13–20-yanvar kunlari Andijon shahridagi “Universal” sport majmuasida 7-17 yoshdagi (6 ta yosh toifasida) o‘smirlar o‘rtasida shaxmat bo‘yicha O‘zbekiston chempionati o‘tkazildi. Unda 840 nafar hududiy bosqich g‘oliblari ishtirok etdi (hududiy bosqichlarda 3 mingga yaqin yosh shaxmatchi ishtirok etgan).
Jizzax shahrida 8-12 yosh va Toshkent shahrida 14-18 yoshlilar o‘rtasida “O‘zbekiston chempionatlari” hamda mukofot jamg‘armasi 68,7 ming dollar bo‘lgan “Al-Beruniy” II xalqaro turniri o‘tkazildi.
Yil boshidan “Mutolaa” platformasi orqali kitobxonlar soni 291,7 ming nafarga (jami 1 mln 726 ming nafar), “Ustoz AI” platformasi orqali zamonaviy kasblarni o‘rganuvchilar soni 112,6 ming nafarga (jami 412,4 ming nafar), “UzChess” platformasi orqali shaxmatni o‘rganuvchilar soni 64 ming nafarga (jami 406 ming nafar) oshdi.
O‘zbek milliy qahramoni obrazini yaratish, qadriyatlar, odob-axloq qoidalari, vatanparvarlik g‘oyalari, sog‘lom turmush tarzini shakllantirishga qaratilgan “Bek va Lola” animatsion multfilmlari brendi yaratilib, ijtimoiy tarmoqlarda 36 mlnmarotaba ko‘rildi.
Brifingni video formatda ushbu havola orqali ko‘rishingiz mumkin.