О‘zboshimchalik bilan tarmoqqa ulangan fermer xo‘jaligi 145,3 mln so‘mlik elektr energiyasidan noqonuniy foydalanganligi aniqlandi
2024-10-14 11:05:00 / Yangiliklar
“O‘zenergoinspeksiya” Navoiy viloyat hududiy boshqarmasi tomonidan o‘tkazilgan nazorat tadbirida “D.N.” fermer xo‘jaligi mas’ullari Karmana tumanida joylashgan ekin maydonini sug‘orish uchun o‘rnatilgan suv nasosi shartnomasiz tarmoqqa o‘zboshimchalik bilan ulab, elektr energiyasidan noqonuniy foydalanganligi aniqlandi.
Ushbu qoidabuzarlik natijasida dastlabki hisob-kitoblarga ko‘ra elektr ta’minoti korxonasi manfaatiga 145,3 mln so‘mlik zarar yetkazganligi ma‘lum bo‘ldi.
Mazkur holat yuzasidan tegishli hujjatlar rasmiylashtirilib, huquqni muhofaza qiluvchi organlarga yuborildi.
Hurmatli Iste‘molchilar!
Elektr va gaz tarmoqlariga tijorat maqsadlarida oʻzboshimchalik bilan ulanish yoʻli bilan talon-toroj qilish holatlari uchun qonunchilikda belgilangan qatʼiy choralar koʻrilishini unutmang!
Qonunni bilmaslik javobgarlikdan ozod qilmaydi...