Ўзбекистон Республикаси Сув хўжалиги вазирлиги

Ижарага олиш қуйидаги тартибда амалга оширилади:

1️⃣   Туман (шаҳар) давлат солиқ инспекцияси, Кадастр бўлимлари, туман (шаҳар) ҳоким ёрдамчилари томонидан ҳар йили 1 декабрга қадар туман (шаҳар) ҳудудида жойлар сони кўрсатилган ҳолда, кўчма савдо объектлари жойлашувини ўз ичига олган жойлашиш схемалари (кейинги ўринларда – Схема) тузилади.

2️⃣    Туман (шаҳар) давлат солиқ инспекцияси томонидан Схема тузилган санадан эътиборан 5 иш куни мобайнида тегишли ички ишлар органлари ҳамда Қурилиш вазирлигининг ҳудудий бўлинмалари билан келишилади.

3️⃣    Схема туман (шаҳар) давлат солиқ инспекцияси томонидан келишилган кундан бошлаб 10 кун мобайнида “K-SAVDО» автоматлаштирилган ахборот тизимига (кейинги ўринларда – “K-SAVDО» ААТ) жойлаштирилади. Жойлашув схемалари ҳар уч йилда бир марта қайта кўриб чиқилади.

4️⃣   Тадбиркорлик субъектлари “K-SAVDО» ААТ орқали кейинчалик реализация қилиш учун Схемага кўчма савдо амалга ошириладиган аниқ жойни киритиш бўйича таклиф бериш ҳуқуқига эга.

Туман (шаҳар) давлат солиқ инспекцияси таклиф келиб тушган кундан бошлаб уч иш куни мобайнида тадбиркорлик субъектлари томонидан таклиф этилган кўчма савдо жойининг мазкур Низом талабларига мувофиқлигини кўриб чиқади.

Кўриб чиқиш якунлари бўйича таклиф этилган кўчма савдо жойини “K-SAVDО» ААТга жойлаштиради ёки сабабларини кўрсатган ҳолда рад этади.

5️⃣    Жисмоний ва юридик шахслар аризаларни қабул қилиш муддати давомида кўчма савдо жойини сотиб олиш мақсадида онлайн-аукционда қатнашиш учун “E-аuksion” электрон савдо платформаси орқали электрон аризани юборади ва закалат суммасини тўлайди.

Аукцион ўтказиладиган куни жойлашиш схемалари доирасида кўчма савдо жойларини сотиш бўйича “E-аuksion” электрон савдо платформасида электрон онлайн-аукционда иштирок этади.

Аукцион нархларни ошириш принципи бўйича ўтказилади. Бошланғич нарх тегишли туман (шаҳар)даги ер участкаси учун белгиланган ер солиғи миқдорига тенг бўлади.

6️⃣    Жисмоний ва юридик шахслар аукцион ғолиби деб эътироф этилган тақдирда, белгиланган муддатда кўчма савдо жойининг тўлиқ нархини тўлайди.

Кўчма савдо жойининг қиймати тўланганлиги “E-аuksion” электрон савдо платформаси орқали аниқланади.

7️⃣   Туман (шаҳар) давлат солиқ инспекцияси баённома расмийлаштирилгандан сўнг “K-SAVDО» ААТ орқали мазкур Низомга 2-иловага мувофиқ бир иш куни мобайнида электрон савдолар баённомаси асосида кўчма савдо объектининг рўйхатдан ўтганлигини тасдиқловчи гувоҳномани ҚР-код (матрицали штрихли код) билан расмийлаштирган ҳолда, “E-аuksion” электрон савдо платформаси орқали харидор ва операторга юборади.

Рўйхатдан ўтганликни тасдиқловчи электрон шаклдаги гувоҳнома тадбиркорлик субъектининг мавжуд электрон почта манзилига ҳам юборилади.

Рўйхатдан ўтган кўчма савдо жойи Схемада унинг кўчма савдо объектини жойлаштириш даврида бандлигини кўрсатувчи махсус белги билан белгиланади.