Иситиш мавсумида эҳтиёжманд оилаларга бир марталик моддий ёрдам берилади
2025-09-20 10:20:00 / Янгиликлар
#моддий_ёрдам
Жорий йил 19 сентябрь ҳолатига кўра, “Маҳалла еттилиги” томонидан 317 698 та қўшимча эҳтиёжманд оилалар рўйхати тузилди.
Хабарингиз бор, 2025/2026-йилги иситиш мавсумида аҳолининг эҳтиёжманд қатламларини қўшимча моддий жиҳатдан қўллаб-қувватлаш мақсадида жорий йил ноябрь ойида “Ижтимоий ҳимоя ягона реестри”, “Камбағал оилалар реестри”га киритилган оилалар ҳамда “Маҳалла еттилиги” томонидан қўшимча шакллантирилган рўйхатдаги эҳтиёжманд оилаларга 1 миллион сўм миқдорида бир марталик моддий ёрдам ажратилади.
Агар сиз ушбу тоифаларга мос келиб, эҳтиёжманд оила бўлсангиз, жорий йилнинг 25 сентябрь кунига қадар “Маҳалла еттилиги”га мурожаат қилинг.