Тошкент иссиқлик маркази: куз-қиш мавсумига тайёргарлик – барқарор иссиқлик энергияси ишлаб чиқаришга хизмат қилади
2025-07-11 14:00:00 / Янгиликлар
Тошкент шаҳри аҳолиси ва ижтимоий соҳа объектлари учун иссиқлик энергияси ишлаб чиқарувчи асосий корхона – “Тошкент иссиқлик маркази” қозонхоналарида 2025-2026 йиллар куз-қиш мавсумига пухта тайёргарлик кўрилмоқда.
Қозон агрегатларини мавсумга тайёрлаш режасига кўра, жами 13 та қозонда мукаммал таъмирлаш ишлари ўтказилиши белгиланган бўлиб, айни пайда 5 та қозон қурилмалари мавсумга шай ҳолатга келтирилди. Қолганларида эса, белгиланган жадвал асосида таъмирлаш ишлари давом этмоқда.
Ушбу ишларни мукаммал ва сифатли бажариш мақсадида электр станциялари ва марказларига хизмат кўрсатувчи корхона – «Ўзбекэнерготаъмир» АЖ 100 нафарга яқин мутахассислари жалб этилган.
Ҳозирда ҳудудлардаги қуйидаги иссиқлик марказларида таъмирлаш ишлари олиб борилмоқда:
• Мирзо Улуғбек туманида жойлашган ўрнатилган умумий қуввати 500 Гкал бўлган 1-сонли иссиқлик марказининг 5-қозон агрегатида;
• Юнусобод туманида жойлашган ўрнатилган умумий қуввати 900 Гкал бўлган 4-сонли иссиқлик марказининг 1-қозон агрегатида;
• Чилонзор туманида жойлашган ўрнатилган умумий қуввати 700 Гкал бўлган 5-сонли иссиқлик марказининг 1 - 8 -қозон агрегатларида;
• Яшнобод туманида жойлашган ўрнатилган умумий қуввати 400 Гкал бўлган 7-сонли иссиқлик марказининг 5-қозон агрегатида;
• Олмазор туманида жойлашган ўрнатилган умумий қуввати 540 Гкал бўлган 10-сонли иссиқлик марказининг 1-қозон агрегатида.
Тайёрлов ишларининг асосий мақсади - пойтахт аҳолиси ва ижтимоий соҳа муассасаларини келаётган куз-қиш мавсумида барқарор иссиқлик билан таъминлаш, узлуксиз энергия таъминотини кафолатлашдир.
“Иссиқлик электр станциялари” АЖ Матбуот хизмати