Газ сарфи ва харажатларини онлайн режимда кузатиш имконини берувчи мобил илова ишга туширилган
2025-03-14 11:20:00 / Янгиликлар
Аҳоли истеъмолчиларининг табиий газ сарфи ва харажатларини онлайн кузатиш имконини берувчи “Ҳудуд Газ Таъминот” мобил иловаси тест синовида ишга туширилган эди.
Истеъмолчилар мазкур иловани Android ҳамда iOS операцион тизими қурилмалари орқали бепул юклаб олишлари мумкин. Мобил илова дастури автоматлаштирилган ҳолда янгилаб борилади.
Мазкур илова орқали истеъмолчилар бевосита кунлик ва ойлик кесимида табиий газ истеъмолини кузатиб бориш, хусусан, газ ҳисоб рақамларига тўлов қилиш ҳамда суюлтирилган газ истеъмолчилари ўз ҳисобларини тўлдириш ва бириктирилган баллонлар рўйхатини кўриб бориш имкониятига эга бўладилар.
Иловани юклаб олгандан кейин унга тегишли шахсий ҳисоб рақами ҳамда One ID хизмати орқали уланиш мумкин.