Бўстон, Оқдарё ва Тўрткўл туманларида энергия ресурсларига ноқонуний уланиш ҳолатлари фош этилди
2024-12-10 18:05:00 / Янгиликлар
Бош прокуратура ҳузуридаги Департаментнинг Бўстон тумани бўлими ва ЭТК ходимлари ҳамкорлигида ўтказилган тадбирда «Э.О.» фермер хўжалиги раҳбари Д.Э. ва бошқалар хўжалик ер майдонларини суғориш учун сув насосини умумий фойдаланишдаги тармоққа ўзбошимчалик билан улаб, жами 310,6 млн сўмлик электр энергиясидан ноқонуний фойдаланганликлари аниқланган.
Шу каби Департаментнинг Оқдарё тумани бўлими томонидан ўтказилган терговга қадар текширувда «Янгиқўрғон» МФЙ ҳудудидаги «Х-Х.» хусусий корхонаси раҳбари Ж.Х. электр қурилмаларни тижорат мақсадида умумий фойдаланишдаги тармоққа ўзбошимчалик билан улаб, жами 259,8 млн сўмлик электр энергиясидан ноқонуний фойдаланганликлари аниқланган.
Департаментнинг Тўрткўл тумани бўлими томонидан ўтказилган терговга қадар текширувда «Шаббаз» ОФЙ ҳудудидаги хонадонда яшовчи фуқаро С.Ю. ўз уйида газ ҳисоблагич ускунасидан ташқари газ тармоғига яширинча уланиб, жами 129,4 млн сўмлик табиий газдан ноқонуний фойдаланганлиги аниқланган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.