Энергетика вазирлиги ва тизим ташкилотлари ходимлари хориж тажрибаси асосида билимларини оширмоқдалар
2024-11-26 17:00:00 / Янгиликлар
Аввал хабар берганимиздек, ёқилғи-энергетика тизимида фаолият юритаётган ходимлар малакасини хориж мамлакатлари тажрибалари асосида оширишни янада кучайтириш, чет элда олинган билим, кўникма ва тажрибаларни барча масъул ходимларга етказиш мақсадида Энергия менежер мутахассисларини тайёрлаш бўйича қисқа муддатли ўқув курси ўтказилмоқда.
Бугунги сабоқлар доирасида Энергетика вазирлиги ҳузуридаги Қайта тикланувчи энергия манбалари миллий илмий-тадқиқот институтининг Илмий ишлар бўйича директор ўринбосари, техника фанлари доктори Жобир Аҳадовнинг Кюшу университети (Япония)га хизмат сафари доирасида ўрганган тажрибалари юзасидан маълумот берилди.
Спикер ўз маърузасида “Минтақадаги саноат ва экологик хусусиятларни ҳисобга олган ҳолда «яшил» водородни самарали ишлаб чиқариш учун инновацион технологияларни ривожлантириш” мавзусидаги SATREPS лойиҳаси тадқиқотлари доирасида Кюшу университетининг илмий-тадқиқот лабораториялари фаолияти, уларнинг тажрибалари ҳамда лойиҳа бўйича режалаштирилган вазифаларнинг бажарилиши ҳақида тушунтиришлар берди.
Онлайн шаклда ўтказилган ўқув-семинарда акциядорлик жамиятларининг қайта тикланувчи энергия манбалари ва энергия самарадорлиги ҳамда халқаро ҳамкорлик йўналишидаги бўлинмалари ходимлари қатнашди.