“Ўзкимёсаноат” АЖ, Европа тикланиш ва тараққиёт банки ҳамда “ACWA Power UKS Green H2” қўшма корхонаси ўртасида Кредит ва Кафолат шартномалари имзоланди
2024-09-11 10:30:00 / Янгиликлар
#яшил_енергия
“Ўзкимёсаноат” АЖ, Европа тикланиш ва тараққиёт банки ҳамда “ACWA Power UKS Green H2” қўшма корхонаси ўртасида Кредит ва Кафолат шартномалари имзоланди.
“Ўзкимёсаноат” АЖ томонидан Саудия Арабистонининг “ACWA Power” компанияси билан ҳамкорликда Тошкент вилоятида МДҲ давлатлари ва Марказий Осиёда ягона бўлган яшил водород ишлаб чиқаришни ташкил этиш бўйича йирик инвестиция лойиҳаси амалга оширилмоқда.
Мазкур лойиҳа доирасида электролизерлар ўрнатиш орқали водород ишлаб чиқариш ва электролизерлар истеъмолини қоплаш учун шамол турбиналарини ўрнатиш режалаштирилган.
Жорий йилнинг 10-сентябр куни “Ўзкимёсаноат” АЖ раҳбарияти, “ACWA Power” компанияси ҳамда Европа тикланиш ва тараққиёт банки вакиллари иштирокида лойиҳани молиялаштириш учун энг йирик молия институтларидан бири — Европа тикланиш ва тараққиёт банки томонидан кредит ресурслари (Equity Bridge Loan) жалб қилиниши юзасидан Кредит ва Кафолат шартномаларини имзолаш маросими бўлиб ўтди.
Таъкидлаш лозимки, мазкур ўзлаштирилаётган паст фоизли кредит ресурслари давлат кафолатисиз тўғридан-тўғри лойиҳани молиялаштиришга йўналтирилади.