Ўзбекистон Республикаси Энергетика вазирлиги

Истеъмолчиларни электр энергияси билан барқарор таъминлаш мақсадида ҳудудларда энергетиклар томонидан электр таъминоти тизимини янада яхшилаш ишлари олиб борилмоқда. 

Ушбу тадбирлар доирасида электр тармоқларини янгилаш, эскирган ускуналарни алмаштириш ҳамда хавфсизлик талабларига жавоб бермайдиган тармоқларни кўчириш ишлари амалга оширилмоқда. 

Бу ишлар электр таъминотидаги узилишларни камайтириш, хизмат сифатини яхшилаш ва инфратузилманинг барқарор ишлашини таъминлашга қаратилган.

Олиб борилаётган ишлар Наманган, Андижон ва Самарқанд вилоятлари мисолида.

Маълумот учун, 2025 йилда Республика бўйича электр тармоқларини яхшилаш борасида амалга оширилган ишлар:

Мукаммал таъмирланган тармоқлар:
Магистраль тармоқлар – 787 км,
Тақсимловчи тармоқлар – 29,5 минг км,
Магистраль подстанциядаги трансформатор – 9 та,
Трансформатор пункти – 10 270 та.

Модернизация ва реконструкция қилинди:
Электр узатиш тармоқлари – 8,6 минг км,
Трансформатор пункти – 2,3 минг та,
Подстанциялар – 28 та,
Натижа: 954 та маҳалладаги 800 мингдан ортиқ хонадонларнинг электр таъминоти яхшиланди.