Ўзбекистон Республикаси Президентини расмий кутиб олиш маросими бўлиб ўтди
2025-12-20 17:55:00 / Янгиликлар
20 декабрь куни “Кантэй” қароргоҳида Ўзбекистон Республикаси Президенти Шавкат Мирзиёевни расмий кутиб олиш маросими бўлиб ўтди.
Япония Бош вазири Санаэ Такаичи давлатимиз раҳбарини самимий кутиб олди ва шоҳсупага таклиф қилди.
Икки мамлакатнинг давлат мадҳиялари янгради. Етакчилар фахрий қоровул сафи олдидан ўтдилар ва расмий делегациялар аъзоларини қутладилар.
Биргаликда суратга тушилди.
Шундан сўнг олий даражадаги музокаралар бошланди.