Жорий йилнинг 30 апрель куни Беларус Республикасининг Минск шаҳрида Биринчи Ўзбекистон-Беларус профессионал таълим форумининг очилиш маросимида олий таълим, фан ва инновациялар вазири Қўнғиротбой Шарипов икки мамлакат ўртасидаги кўп қиррали алоқаларни мус
2024-04-30 16:35:00 / Вазирлик янгиликлари
– Биз бугун Минск шаҳрида мамлакатларимиз ўртасида касб-ҳунар таълими соҳасидаги ҳамкорлик ва уни янада мустаҳкамлаш масалаларини муҳокама қилиш учун йиғилдик, бу эса инсон капиталини ривожлантиришга бўлган умумий интилишларимизни намоён этади. Форум Беларус Республикаси Президенти Александр Лукашенконинг Ўзбекистон Республикасига ташрифи чоғида эришилган келишувларнинг бевосита натижаси бўлиб, таълим соҳасидаги ҳамкорликни мустаҳкамлаш борасидаги доимий мулоқотимизнинг бир қисмидир. Ўзбекистон Республикаси Президенти Шавкат Мирзиёев ана шундай муҳим халқаро ҳамкорлик шароитида таълим сифатини ошириш, ёшларга замонавий касб-ҳунарларни ўргатиш масаласига алоҳида эътибор қаратиб, касб-ҳунар таълимини янгича ёндашувлар асосида ташкил этиш зарурлигини таъкидламоқда. Бугунги учрашувимиз мамлакатларимизнинг технологик ва ижтимоий-иқтисодий ривожланишига ҳисса қўшадиган малакали мутахассисларни тайёрлаш соҳасида ҳамкорликда ишлаш муҳимлигини кўрсатади.