Birlesken Milletler Shólkemi kúni

Keyin ala Bas assambleyanıń 1948-jıldaǵı rezolyuciyası menen bul kún shólkem tárepinen Birlesken Milletler Shólkemi kúni sıpatında belgileniwi belgilendi. 1971-jılı bolsa Bas Assambleya óz rezolyuciyasında aǵza mámleketlerge 24-oktyabrdi bayram sıpatında belgilewdi usınıs etedi. Sonıń menen bul sáne xalıqaralıq bayramǵa aylandı. Bıyıl shólkemniń shólkemlestirilgenine 77 jıl toldı.

BMSh tariyxına názer taslaytuǵın bolsaq, onı shólkemlestiriw haqqındaǵı qarar AQSh, Birlesken Patshalıq, Qıtay hám Sovet Awqamı sırtqı isler ministrleriniń Moskvadaǵı keńesinde 1943-jılı qabıl etilgen. BMSH Ustavına dáslep 51 mámleket qol qoygan, 2000-jili bolsa olardıń sanı 189 ģa jetken. Búgingi kúnde 200 ge jaqın mámleket BMSHqa agza esaplanadı.

BMShtıń turaqlı jumıs ornı (shtab-kvartirası) - Nyu-York, shólkemniń rásmiy tilleri - inglis, francuz, rus, ispan hám qıtay tilleri bolıp, inglis, francuz, ispan tillerinde jumıs alıp barıladı.

BMSh Ustavında kórsetilgenindey, ol xalıq aralıq tınıshlıq hám qáwipsizlikti saqlaw, xalıqlardıń teń huqıqlılıǵı hám óz táǵdirin ózi belgilewi qaǵıydasına ámel etip, milletler arasında doslıq qatnasıqların rawajlandırıwdı, ekonomikalıq, sociallıq, mádeniy mashqalalardı sheshiwde xalıqlar arasında birge islesiw bolıwın támiyinleydi.

Bizge belgili, Ózbekstan 1992-jılı 2-martta BMShqa aǵza boldı. Usı kúni BMSh Bas Assambleyası imaratı aldında Ózbekstan Respublikasınıń Mámleketlik bayraǵı bálent kóterildi. 1993-jil 24-avgustta BMShtiń Tashkenttegi wákilxanası ashıldı. BMShta Ózbekstan Respublikasınıń wákilxanası jumıs basladı. Ózbekstan Respublikası BMShtıń bilimlendiriw, ilim hám mádeniyat máseleleri menen shuǵıllanıwshı shólkemi - YUNESKOǵa da aǵza boldı.