Energetika

Keyingi jıllarda tarmaqqa 35 milliard dollar sırt el investiciyaları kirip kelip, 9 mıń megavatt jańa quwatlıqlar iske qosılǵan.

Nátiyjede elektr energiyasın islep shıǵarıw kólemi 2017-jıldaǵı 60 milliard kilovatt-saattan usı jılı 85 milliard kilovatt-saatqa jetkerildi. Itibarlı tárepi, iske qosılǵan quyash hám samal elektr stanciyalarınıń quwatlılıǵı derlik 5 mıń megavatt, gidroelektr stanciyalarınıń quwatlılıǵı 400 megavatt.

2025-jıldıń yanvar-noyabr aylarında janılǵı-energetika tarmaǵında 8,8 milliard dollar sırt el investiciyaları ózlestirilgen bolıp, sonnan 6,3 milliard dollar elektr energiyası, 4,7 milliard dollar "jasıl" energetika joybarları, 2,5 milliard dollar neft-gaz tarmaǵında ózlestirilgen.

2025-jılı ulıwma bahası 40,5 milliard dollarlıq 58 iri joybardı iske qosıw rejelestirilgen. 
Olardıń arasında ulıwma quwatlılıǵı 1 413 MVt bolǵan 5 quyash elektr stanciyası, 752 MVt bolǵan 4 samal elektr stanciyası, 168 MVt bolǵan 6 gidroelektr stanciyası, 1167,3 MVt bolǵan 3 ıssılıq elektr stanciyası hám 1245 MVt bolǵan 10 energiya saqlaw obeyktleri bar.

 

Aymaqlarda gúzgi-qısqı máwsimge tayarlıq sheńberinde 787 kilometr magistral hám 29,5 mıń kilometr bólistiriw tarmaqları, 9 magistral podstanciyadaǵı transformatorlar hám 10 mıń 270 transformator punkti tolıq ońlandı. Atap aytqanda, Tashkent qalası boyınsha 863,1 kilometr bólistiriw tarmaqları, 1 magistral podstanciyadaǵı transformator hám 670 transformator punkti kapital ońlandı. Sonday-aq, 7,5 mıń kilometr elektr tarmaqları hám 1 mıń 748 transformator punkti rekonstrukciyalandı hám modernizaciyalandı. 

Respublika boyınsha 279 avariya brigadası dúzilip, olarǵa 224 avtotransport hám 279 arnawlı texnika ajıratıldı. Sonday-aq, 3 591,4 km truboprovodlardıń ishki beti tazalanıp, 91 kompressor stanciyasında gaz aydaw agregatları ońlandı.

Tutınıwshılardıń gaz támiynatın jaqsılaw maqsetinde 553,1 kilometr gaz tarmaqları hám 971 gaz bólistiriw punktleri tolıq ońlandı, 50 195 gaz bólistiriw punktleri texnikalıq tekseriwden ótkerildi.

Ózbekstan Respublikası Prezidentiniń 2022-jıl 2-dekabrdegi "Ózbekstan Respublikasınıń 2030-jılǵa shekem "jasıl" ekonomikaǵa ótiwine qaratılǵan reformalardıń nátiyjeliligin arttırıw ilajları haqqında"ǵı PQ-436-sanlı qararı menen Ózbekstan Respublikasında 2030-jılǵa shekem "jasıl" ekonomikaǵa ótiw hám "jasıl" ósiwdi támiyinlew baǵdarlaması tastıyıqlanǵan.

Ózbekstan Respublikası Prezidentiniń 2019-jıl 7-fevraldaǵı "2019-2029-jıllarda Ózbekstan Respublikasında atom energetikasın rawajlandırıw koncepciyasın tastıyıqlaw haqqında"ǵı PQ-4165-sanlı qararı menen 2019-2029-jıllarda Ózbekstan Respublikasında atom energetikasın rawajlandırıw koncepciyası tastıyıqlandı.

Energiya nátiyjelililik tarawındaǵı reformalardı sistemalı jolǵa qoyıw maqsetinde 2030-jılǵa shekem Ekonomikada energiya jumsalıwın keminde 20 procentke, mámleket mákemeleri jáne social obyektlerde bolsa energiya tutınıwın 15 procentke kemeytiw wazıypası belgilengen.

Elektr energiyasınıń kótere bazarın qáliplestiriw boyınsha qatar jumıslar orınlanıp, jılına 10 million kilovatt-saattan kóp elektr tutınıp atırǵan kótere qarıydarlar dizimi dúzilip, bul kárxanalar ushın elektr energiyasın kótere bazarda “saatbay” qáliplesken bahalarda tuwrıdan-tuwrı shártnamalar tiykarında satıp alıw sistemasın engiziw arnalǵan