O‘zbеkistоn Rеspublikаsi Yoshlar ishlari agentligi

Mahallalarda istiqomat qiluvchi yoshlar o‘rtasida sportning 13 ta turi (yengil atletika, stol tennisi, vorkaut, shaxmat, shashka, armrestling, voleybol, stritbol, kurash, futbol, mini futbol, gandbol, gimnastrada) bo‘yicha, shuningdek, imkoniyati cheklangan yoshlar o‘rtasida adaptiv sport turlari bo‘yicha musobaqalar tashkil etilmoqda.

Sport musobaqalarida ishtirok etish istagida bo‘lgan 7,3 mln nafar mahalla yoshlari https://5tashabbus.uz/ sayti orqali elektron ro‘yxatdan o‘tdi. Respublika bo‘yicha jami 6,5 mln (3 mlni yoki 45 foizi qizlar) nafardan ortiq yoshlar musobaqalarda ishtirok etdi.

Davlat xavfsizlik xizmati kubogi uchun mahalla yoshlari o‘rtasidagi futbol va mini futbol musobaqalarida ishtirok etish uchun ro‘yxatdan o‘tgan yoshlar soni joriy yilda 783 ming nafarni tashkil etdi.

Jumladan, futbol musobaqalarida ishtirok etish uchun 381 ming nafar 16-30 yoshli o‘smirlar (erkak), mini futbol musobaqalarida ishtirok etish uchun 16-30 yoshli 402 ming nafar yoshlar  (shundan qizlar 156 ming yoki 39 foiz) ro‘yxatdan o‘tdi. Ma’lumot uchun 2024-yilda 537 ming nafar yoshlar futbol va mini futbol musobaqalariga qamrab olingan.  

Respublika bo‘yicha jami 727 ming nafardan ortiq yoshlar musobaqalarda ishtirok etdi. Musobaqaning Respublika bosqichi 17-23-avgust kunlari bo‘lib o‘tdi. Bu yilgi musobaqa natijalari quyidagicha bo‘ldi.

Mini futbol qizlar o‘rtasidagi natijalar:

• 1-o‘rin — Navoiy viloyati, Xatirchi tumani, Jaloyir mahallasi;
• 2-o‘rin — Toshkent shahar, Mirzo Ulug‘bek tumani, Komolot mahallasi;
• 3-o‘rin — Samarqand viloyati, Jomboy tumani, No‘sh mahallasi mahallasi jamoalari g‘olib va sovrindor bo‘lishdi.

Mini futbol o‘g‘il bolalar o‘rtasidagi natijalar:

• 1-o‘rin — Toshkent shahar, Shayxontohur tumani, Yangi Beltepa mahallasi;
• 2-o‘rin — Samarqand viloyati, Toyloq tumani, Tepaqishloq mahallasi;
• 3-o‘rin  — Qashqadaryo viloyati, Koson tumani, Mug‘jagul mahallasi jamoalari g‘olib va sovrindor bo‘lishdi.

Katta futbol final bahsi natijalari:

• 1-o‘rin — Sirdaryo viloyati, Yangiyer shahar, Abduraxmon Jomiy mahallasi; 
• 2-o‘rin — Qashqadaryo viloyati Kasbi tumani, Qoratepa mahallasi jamoasi;
• 3 o‘rinni — Toshkent shahar, Chilonzor tumani, Katta Qozirobod mahallasi jamoalari g‘olib va sovrindor bo‘lishdi.