Yoshlarni nemis tiliga o‘qitish bo‘yicha hamkorlik uchrashuvi bo‘lib o‘tdi
2024-03-13 10:10:00 / Yangiliklar
Kuni kecha Yoshlar agentligi binosida Agentlik direktori Alisher Sa’dullaev va Germaniyaning “GP Gyunter Papenburg” kompaniyalar guruhining boshqaruvchi direktori Angela Papenburg o‘rtasida uchrashuv bo‘lib o‘tdi. Muloqot davomida o‘zbekistonlik yoshlarni nemis tiliga o‘qitish hamda ularni Ausbildung dasturi orqali ta’lim olishlari bo‘yicha yangi loyihalar muhokama qilindi. Xususan, yozgi ta’tilda 10 nafar o‘zbekistonlik maktab o‘quvchisini “Papenburg” kompaniyasiga yuborish etish, nemis tilini o‘rganayotgan yoshlar uchun kasbga yo‘naltirilgan videodarsliklarni tayyorlashda hamkorlik qilish masalalari ham kelishib olindi.
Eslatib o‘tamiz, Yoshlar ishlari agentligi tomonidan 2023-yilda 13 nafar yosh nemis tili o‘quv kursi xarajatlari qoplab berilgan va Germaniyaga yuborilgan. Ularning 10 nafari mazkur kompaniyada kasbiy ta’lim olmoqda.
Ma’lumot uchun: “Papenburg” kompaniyasida bugungi kunda 100 nafarga yaqin o‘zbekistonlik yoshlar kasbiy (ausbildung) taʼlim olmoqda.