Tadbirkor yoshlar bilan samimiy muloqot maydoni
2025-07-24 20:00:00 / Yangiliklar
Bugun, Prezidentimiz Shavkat Mirziyoyevning 30-iyun kungi ochiq muloqotida ilgari surilgan tashabbuslarni amaliyotga tatbiq etish maqsadida, “Yoshlarni eshitamiz” nomi ostida yosh tadbirkorlar bilan ochiq muloqot tashkil etildi.
Poytaxtimizdagi Yoshlar ijod saroyida tashkil etilgan ochiq muloqotda 200 nafar ishtirokchi markaziy studiyadan oflayn, 400 nafar hududiy va 25 ta davlatdan 70 nafar xorijdagi tadbirkor yoshlar onlayn ishtirok etdi.
Ochiq va samimiy o‘tgan muloqot davomida yoshlar tomonidan turli yo‘nalishlarda (soliq, turizm, kredit, startaplar, qonunchilik, texnologiya va boshqalar) ko‘plab dolzarb muammo va takliflar bildirildi. Bu murojaatlar vazirlik, idora va tashkilot vakillari tomonidan o‘rganib chiqib, ba’zi masalalarga shu joyning o‘zida izoh berildi, boshqa takliflar bo‘yicha esa aniq choralar belgilandi.
Shuningdek, uchrashuvda Agentlikning Youtube va Telegram sahifalari orqali o‘z taklif va muammolarini yo‘llagan yosh tadbirkorlarning murojaatlari mutasaddilar tomonidan bevosita ko‘rib chiqildi.
Ochiq muloqot Yoshlar ishlari agentligi tomonidan tashkil etilib, unda Investitsiya, Adliya, Raqamli texnologiyalar vazirliklari, Savdo-sanoat palatasi, Davlat soliq qo‘mitasi, Turizm qo‘mitasi, Markaziy bank, Aloqabank, Milliybank va boshqalar mutasaddilar ishtirok etdi.
Muloqot yakunida barcha fikr va tashabbuslar tizimlashtirilib, mutasaddilarga yo‘naltirilmoqda va ijrosi bo‘yicha nazorat o‘rnatiladi.
Uchrashuvning to‘liq jarayonlarini Agentlikning Youtube sahifasida tomosha qilishingiz mumkin!