O‘zbеkistоn Rеspublikаsi Yoshlar ishlari agentligi

Xabar berganimizdek, bugun BMT Bosh kotibi yordamchisi Felipe Paulliyer mamlakatimizga tashrifi doirasida Agentlik direktori Alisher Sa’dullayev va BMTning O‘zbekistondagi doimiy koordinatori Sabine Mahl bilan uchrashuv o‘tkazdi.

Uchrashuv avvalida Sabine Mahl Prezidentimiz boshchiligida O‘zbekistonda yoshlarga oid islohotlarning tizimli amalga oshirilayotganini, shuningdek, BMT bilan shakllangan mustahkam hamkorlik aloqalarini mamnuniyat bilan qayd etdi.

S. Mahl muloqot davomida mamlakatimizdagi yoshlar yetakchilari tizimi, yoshlarga doir islohotlarni xalqaro maydonga olib chiqish, xususan, BMTning boshqa tuzilmalari orqali O‘zbekiston tajribasini global miqyosda yoyish bo‘yicha takliflar bildirildi.

Felipe Paulliyer, o‘z navbatida, BMT tizimidagi o‘zbekistonlik yoshlar sonini ko‘paytirish zarurligini ta’kidladi. Shuningdek, O‘zbekiston tajribasini sentabr oyida bo‘lib o‘tadigan BMT Bosh Assambleyasida 193 ta davlat vakillariga taqdim etish tashabbusi ilgari surildi.