YuNESKO Yoshlar forumi – endi Samarqandda!
2025-04-17 09:00:00 / Yangiliklar
O‘zbekiston delegatsiyasi AQSHga tashrifi davomida YuNESKOning Nyu-Yorkdagi vakolatxonasi rahbari Elliot Minchenberg bilan uchrashuv o‘tkazdi.
Uchrashuvda joriy yilning oktyabr oyida Samarqand shahrida o‘tkazilishi rejalashtirilgan YuNESKOning 43-sessiyasi doirasida tashkil etiladigan 14-YuNESKO Yoshlar forumi yuzasidan fikr almashildi.
Quvonarlisi, YuNESKO O‘zbekistonni bunday yuksak ishonch va mas’uliyat bilan tabriklab, forumni hamkorlikda o‘tkazish bo‘yicha kelishuvga erishildi.
Dunyoning 150 ga yaqin mamlakatidan yoshlar siyosati yetakchilari va innovatsion fikrlovchi yoshlar ishtirok etadigan ushbu forum — O‘zbekiston yoshlari uchun xalqaro sahnada o‘z ovozini eshittirish, hamkorlik va tajriba almashish uchun noyob imkoniyatdir.
Endi butun dunyo yoshlari diqqat markazida bo‘lgan forum Samarqandda bo‘lib o‘tadi.