Yoshlar bilan ishlash: yangi yondashuvlar va tajribalar
2025-03-14 16:30:00 / Yangiliklar
Toshkent viloyati, Bo‘stonliq tumanidagi Yoshlar oromgohida Yoshlar ishlari agentligining hududiy va mahalliy bo‘limlarida faoliyat yurituvchi xodimlar uchun o‘quv-seminar tashkil etildi.
Oromgohda yoshlarga oid davlat siyosatini samarali boshqarish, yoshlar yetakchilarining faoliyatini metodologik jihatdan qo‘llab-quvvatlash hamda xodimlarning liderlik qobiliyatini shakllantirishga qaratilgan amaliy mashg‘ulotlar o‘tkazilmoqda.
Dastur doirasida soha mutaxassislari tomonidan quyidagi yo‘nalishlarda seminar-treninglar o‘tkazilmoqda:
- Yoshlar bilan ishlashda samarali usullar;
- Murojaatlar bilan ishlash va muammolarni hal etish;
- Tadbirkorlik va zamonaviy kasblarga o‘qitish;
- Vatanparvarlik va yoshlarning ijtimoiy faolligini oshirish;
- Yoshlarning bo‘sh vaqtini mazmunli tashkil etish;
- Kitobxonlik va chet tillarini o‘rganish bo‘yicha bepul ilovalar.
Seminar ishtirokchilari yoshlar bilan ishlash bo‘yicha amaliy tajribaga ega mutaxassislardan bilim olishi, ilg‘or tajribalar bilan tanishishi va o‘z malakasini oshirishi kutilmoqda.
O‘quv-seminar 16-mart kuniga qadar davom etadi.
#YoshlarBilanIshlash