Mahallalarda yoshlar bilan ishlash bo‘yicha muhokama yig‘ilishi bo‘lib o‘tdi
2025-03-13 16:00:00 / Majlislar
Unda yoshlar masalalariga masʼul bo‘lgan vazirlik va idoralar, hokim o‘rinbosarlari hamda tegishli tashkilot rahbarlari ishtirok etdi.
Yig‘ilishda eng ustuvor yo‘nalishlardan biri – otaliqqa olingan yoshlar bilan ishlash tizimini yanada takomillashtirish hamda ularni rahbarlarga biriktirish masalalari ko‘rib chiqildi.
Shuningdek, mahallalarda yoshlarning bo‘sh vaqtini mazmunli o‘tkazish maqsadida Besh tashabbus olimpiadasining joriy yilgi bosqichlarini yuqori saviyada tashkil etish hamda uni yoshlar o‘rtasida keng targ‘ib qilish masalalariga ham alohida eʼtibor qaratildi.
Davlatimiz rahbarining topshiriqlariga asosan, yoshlarni vatanparvarlik ruhida tarbiyalash, ularni jismonan chiniqtirishga qaratilgan “Shijoat va G‘ayrat” sport musobaqalarini mahallalarda keng targ‘ib qilish, yoshlarning ushbu musobaqalarga to‘liq jalb etilishini taʼminlash va uning imkoniyatlarini jamoatchilikka keng yoritish bo‘yicha tegishli vazirlik, idora hamda tashkilotlar bilan kelishib olindi.