Germaniyada ta’lim va yuqori daromadli ish imkoniyatlari!
2025-01-28 16:45:00 / Yangiliklar
Yoshlar ishlari agentligining “Germaniyada kasbiy ta’lim” loyihasi yoshlarimiz uchun chet tillarini o‘rganish va kasb-hunar egallashda yangi imkoniyatlar ochmoqda. Loyihaning maqsadi, yoshlarni xalqaro darajadagi raqobatbardosh mutaxassislarga aylantirish va Germaniyada sifatli taʼlim hamda barqaror ish o‘rinlariga yo‘l ochish.
Kuni kecha, Agentlik binosida germaniyalik tadbirkorlar nemis tilini o‘rganayotgan yoshlar bilan uchrashdi. Xorijlik mehmonlar Germaniyada dual ta’lim dasturlari va yuqori daromadli ishlar haqida batafsil ma’lumot berishdi. Uchrashuv davomida Germaniyaning temir yo‘l sohasida ishlayotgan o‘zbekistonlik yoshlarning muvaffaqiyatli hayoti haqidagi video roliklar namoyish etildi.
Shuningdek, mamlakatimizda 10 mingdan ortiq yoshlar nemis tilini o‘quv markazlarida, 127 mingdan ortig‘i “Ibrat farzandlari” platformasida onlayn o‘rganayotgani alohida e’tirof etildi. Bu raqamlar yoshlarimiz orasida nemis tiliga bo‘lgan talab qanchalik yuqori ekanini ko‘rsatmoqda.
Uchrashuv qizg‘in savol-javoblarga boy bo‘ldi!