Prezident maktabi o‘quvchilari barqaror rivojlanish yo‘lida
2025-01-15 08:45:00 / Yangiliklar
Bugun esa ushbu g‘alabaning asosi bo‘lgan loyiha haqida batafsil ma’lumot beramiz. Toshkent shahridagi Prezident maktabi o‘quvchilari Pahlavon G‘ulomov va Asilbek Ashrapov “Yomg‘ir suvini yig‘ib qayta ishlash” loyihasi bilan xalqaro tanlovda qatnashdilar.
Ushbu loyiha yomg‘ir suvini yig‘ib, uni filtrlash orqali ichimlik va kundalik yumushlarda foydalanish uchun yaroqli suvga aylantirishni maqsad qiladi. Loyihaning dastlabki bosqichi Qashqadaryo viloyatida amalga oshirilishi rejalashtirilgan. Hududda ichimlik suviga bo‘lgan talab oshib borayotgani sababli ushbu loyiha tomlarda maxsus tizim orqali yomg‘ir suvini yig‘ish, uni filtrlash va aholi ehtiyojiga taqdim etishni ko‘zda tutadi.
Abu-Dabidagi marosimda loyiha suv tanqisligini kamaytirish va barqaror rivojlanish tamoyillariga mos yechim sifatida e’tirof etildi. Hamyurtlarimizni tabriklaymiz va kelgusidagi ishlariga muvaffaqiyatlar tilaymiz!