“Toshkent – MDHning Yoshlar poytaxti” maqomidagi yilni ko‘tarinki kayfiyatda yakunladi!
2024-12-24 18:00:00 / Yangiliklar
“Toshkent – MDHning Yoshlar poytaxti” maqomidagi yilni ko‘tarinki kayfiyatda yakunladi!
Bugun, Toshkent shahridagi Yoshlar ijod saroyida “Toshkent – MDHning birinchi yoshlar poytaxti – 2024” loyihasining tantanali yopilish marosimi hamda Xalqaro volontyorlar forumi o‘tkazildi. “Yoshlar forumi-2024” doirasida tashkil etilgan tadbirda MDH davlatlari yetakchi volontyorlari, xalqaro tashkilotlar vakillari va O‘zbekiston volontyorlik maktablarining faol a’zolari ishtirok etdi.
Forum davomida MDH davlatlaridagi volontyorlik faoliyatiga bag‘ishlangan ko‘rgazma va Markaziy Osiyodagi volontyorlikka oid BMTning birinchi sharhi taqdim etildi. Yil davomida eng yaxshi natijalarga erishgan volontyorlar ham munosib e’tirof etildi. Shuningdek, volontyorlar va tashkilotchilar tomonidan yil natijalarini muhokama qilinib, kelgusi hamkorlik istiqbollari belgilab olindi.
Forum yakunida “Toshkent — MDH yoshlar poytaxti” xalqaro loyihasining yopilish marosimi o‘tkazildi va 2025-yil uchun bu estafeta Ozarbayjonning Gabala shahriga topshirildi.
#Yoshlarforumi2024 #Volontyor