Eng kuchli kasb egalari final bosqichida kuch sinashmoqda!
2024-12-23 19:15:00 / Yangiliklar
Samarqand viloyatida “Kasblar tanlovi”ning final bosqichi bo‘lib o‘tmoqda
Samarqand viloyatida “Yoshlar forumi – 2024” doirasida o‘tkazilayotgan “Kasblar tanlovi”ning final bosqichi haqiqiy mahorat va tajriba bellashuviga aylangan. Tanlovda hududiy bosqichlarda g‘olib chiqqan 70 nafar iqtidorli ishtirokchi 5 ta yo‘nalish bo‘yicha o‘z bilim va ko‘nikmalarini amalda namoyish qilmoqda.
Bellashuvlar davomida ishtirokchilar nafaqat o‘z mahoratlarini sinovdan o‘tkazmoqda, balki o‘z sohasidagi eng ilg‘or tajribalarni o‘rganish va ulashish imkoniyatiga ega bo‘lmoqda. Bu jarayon yoshlarga kasbiy ko‘nikmalarni rivojlantirish va yangi yutuqlarga ilhom beruvchi kuchli maydon yaratmoqda.
G‘oliblar kim bo‘lishini aniqlash va batafsil ma’lumotlarni siz bilan ertaga bo‘lishamiz. Bizni kuzatishda davom eting!