“Mahalladagi yoshlar yetakchilari I Forumi” qizg‘in pallaga kirdi
2024-12-19 18:00:00 / Yangiliklar
“Mahalladagi yoshlar yetakchilari I Forumi” qizg‘in pallaga kirdi
Forumning maqsadi mahalladagi yoshlar yetakchilari faoliyatining 3 yillik sarhisobi, amalga oshirilgan ishlar tahlili va istiqboldagi rejalar haqida hamkor tashkilotlar bilan o‘zaro tajriba almashishdan iboratdir.
Forumda respublikamizdagi barcha tuman va shaharlardagi eng faol “Yilning eng namunali mahalla yoshlar yetakchisi” tanlovining hududiy bosqichi g‘oliblari, faol yoshlar yetakchilari, Yoshlar ishlari agentligi mas’ul xodimlari, hamkor tashkilotlar va turli soha ekspertlari ishtirok etishdi.
“Yoshlar Forumi – 2024” doirasidagi ushbu tadbirda 300 ga yaqin eng faol yoshlar yetakchilari 4 ta sho‘baga bo‘lingan holda yoshlar siyosatining muhim yo‘nalishlari bo‘yicha zarur bilim va ko‘nikmalarni o‘zlashtirmoqda.
Sho‘balar nomi quyidagicha:
- Yoshlarning bo‘sh vaqtini samarali tashkil etish, sog‘lom turmush tarzini targ‘ib qilish hamda iqtidorli, intellektual faol yoshlar bilan ishlash borasidagi tashkilot vakillarining tajribasi;
- “Yoshlar balansi” va “Yoshlar daftari” tizimi hamda alohida e’tiborga muhtoj yoshlar bilan samarali ishlash borasida tashkilotlar tajribasi;
- Yoshlarning tadbirkorlik g‘oyalarini amalga oshirish, tashqi mehnat migratsiyasidan qaytgan yoshlar bilan samarali ishlash borasidagi tashkilot vakillarining tajribasi;
- Huquqbuzarlik sodir etishga moyilligi bo‘lgan va jazoni ijro etish muassasalaridan ozod qilingan yoshlar bilan tizimli ishlash borasidagi tashkilot vakillarining tajribasi.