O‘zbеkistоn Rеspublikаsi Yoshlar ishlari agentligi

“O‘zbekiston o‘quv markazlari” forumidan quvonchli xabar!

“Yoshlar forumi – 2024” doirasida bo‘lib o‘tayotgan “O‘zbekiston o‘quv markazlari” forumida yoshlarimiz chet tillarini o‘rganishlari uchun yaratilgan imkoniyatlar, bu yo‘nalishdagi tub islohotlar natijasi o‘laroq, xorijiy til imtihonlarida yuqori natija qayd etayotganlar soni nafaqat miqdor bo‘yicha, balki karrasiga oshib borayotganligi e’tirof etildi.

Kuni kecha British Council IELTS imtihonidan muvaffaqiyatli o‘tgan yoshlarimiz haqida maʼlumotni taqdim etdi.

Xususan, IELTS imtihondan 5,5 va undan yuqori ball olgan yoshlar soni 2020-yilga qaraganda (10 152 nafar) joriy yilda 5 barobarga (52 706 nafar) ortgan.

Jumladan, 2024-yilda imtihondan 7-8 ball (C1 daraja)ni qo‘lga kiritganlar soni 2020-yilga qaraganda 7,4 karra oshgan.

Yoshlarimizni chet tillarini o‘rganishlari, global dunyoda raqobatbardosh mutaxassis bo‘lib olga intilishlarida omad tilaymiz. Ilm olishingiz, til o‘rganishingiz va kasb egalashingizdagi har bir qadamingizda sizlarga yelkadosh bo‘lishdan minnatdormiz.

#Yoshlarforumi2024