O‘zbеkistоn Rеspublikаsi Yoshlar ishlari agentligi

Umumiy o‘rta ta’lim maktablari o‘quvchilari o‘rtasidagi “Maktab ligasi” shaxmat musobaqasining Respublika yakunlandi. Musobaqa Navoiy viloyatidagi “Xalqaro shaxmat maktabi”da o‘zgacha ruhda bo’lib o’tdi!

Yakkalik va jamoaviy tartibda o‘tkazilgan bahslarda jami 84 nafar yosh shaxmatchi 7 tur davomida o‘z mahoratlarini namoyish etishdi.

Yakkalik bahsida bir nafar o‘g‘il va bir nafar qiz bola har bir yurishda o‘zining eng yaxshi qobiliyatlarini ko‘rsatishga intilishdi. Jamoaviy bahslarda esa har bir jamoa uchun ikki nafar o‘g‘il va ikki nafar qiz bola kuch sinashib, birlashgan strategiyalar orqali raqobatchilari bilan jang qilishdi.

Yakkalik tartibida g‘olib bo‘lgan o‘quvchilar va jamoaviy tartibda g‘olib bo‘lgan har bir ishtirokchi “Shaxmat stipendiyasi” va esdalik sovg‘alari bilan taqdirlandi.

Qizg‘in va murosasiz kechgan musobaqada quyidagi natijalar qayd etildi:

O‘g‘il bolalar guruhida:

1-o‘rin Abduhakimov Akbarali

2-o‘rin Karimov Shahrombek

3-o‘rin Xolmamatov Islom

Qiz bolalar guruhida:

1-o‘rin Shokirjonova Barchinoy

2-o‘rin Zaripboyeva Feruza

3-o‘rin Allaxonova Zuxra

Jamoaviy tartibda o‘tgan bahslarda:

1-o‘rin Toshkent shahri (“Wisdom” xususiy maktabi)

2-o‘rin Xorazm viloyati (Bog‘ot tumani 47-sonli umumta’lim maktabi)

3-o‘rin Sirdaryo viloyati (Boyovut tumani, 9-sonli umumta’lim maktabi)

1-o‘rin egalari “Shaxmat stipendiyasi”, 2 va 3-o‘rinlar esa pul mukofoti hamda esdalik sovg‘alar bilan taqdirlandilar.