45-Butunjahon shaxmat olimpiadasi boshlanmoqda
2024-09-10 14:00:00 / Yangiliklar
45-Butunjahon shaxmat olimpiadasi boshlanmoqda
Bugun, 10-sentabr kuni Vengriyaning Budapesht shahrida 45-Butunjahon shaxmat olimpiadasining tantanali ochilish marosimi bo‘lib o‘tadi.
197 ta erkaklar, 184 ta ayollar jamoalari ishtirok etayotgan mazkur olimpiadada O‘zbekiston shaxmatchilar jamoasi har ikki guruhda yurtimiz sharafini himoya qiladi. Turnir shveytsarcha formatda 11 tur davom etadi.
O‘zbekiston shaxmat erkaklar terma jamoasida Nodirbek Abdusattorov, Javohir Sindarov, Nodirbek Yakubboyev, Shamsiddin Vohidov va Jahongir Vahidov ishtirok etmoqda.
Qizlar terma jamoasida esa Afruza Hamdamova, Nilufar Yakubbayeva, Umida Omonova, Marjona Malikova va Nodira Nodirjonova qatnashadi. Ushbu jamoalar xalqaro musobaqalarda mamlakatimiz sharafini himoya qilayotgan eng kuchli shaxmatchilar hisoblanadi.
Barcha shaxmatchilarimizga musobaqalarda ulkan zafarlar tilaymiz. Olg‘a O‘zbekiston!