O‘zbеkistоn Rеspublikаsi Yoshlar ishlari agentligi

Xalqaro hamkorlik va tajriba almashinuvi.

Xabaringiz bor, Mahallalarda yoshlar bilan ishlash masalalarini muvofiqlashtirish bo‘yicha Respublika komissiyasi raisi boshchiligidagi O‘zbekiston delegatsiyasi Xitoyda bo‘lgan edi. Tashrif davomi sifatida Shenjen tadbirkor-ayollar uyushmasi rahbari Chjao Xinchju xonim boshchiligida Xitoy Xalq Respublikasi delegatsiyasi O‘zbekistonga keldi.

22-iyul kuni Xitoy delegatsiyasi a’zolari o‘zbekistonlik yosh tadbirkor ayollar bilan muloqot qilish maqsadida Yoshlar ishlari agentligi binosiga tashrif buyurishdi. Dastavval delegatsiya a’zolari poytaxtimizdagi Yoshlar ijod saroyidagi “Kreativ park” imkoniyatlar va Agentlik binosidagi bir qator loyiha ofislari bilan tanishdilar.

Mazkur uchrashuvda ta’lim, madaniyat, turizm, qishloq xo‘jaligi, biznes xizmatlar, xalqaro savdo, dizayn va sun’iy intellekt kabi yo‘nalishlar bo‘yicha o‘zaro tajriba hamda fikr almashildi. Shuningdek, O‘zbekiston va Xitoy o‘rtasida do‘stlik aloqalarini madh qilishga qaratilgan madaniy dastur tashkil etildi.