O‘zbеkistоn Rеspublikаsi Yoshlar ishlari agentligi

2025-yilda xalqaro shaxmat maydonlarida yuksak natijalarga erishgan sportchilar e’tirof etildi. Xususan, 2025-yilgi FIDE Jahon kubogi g‘olibi Javohir Sindorov “Yilning eng yaxshi shaxmatchisi” deb topildi. Ushbu e’tirof O‘zbekiston shaxmat federatsiyasi tomonidan o‘tkazilgan matbuot anjumanida rasman e’lon qilindi.

Shuningdek, O‘zbekiston ayollar terma jamoasining yetakchi a’zolaridan biri Umida Omonova yil davomida ko‘rsatgan barqaror va samarali o‘yinlari uchun “Yilning eng yaxshi ayol shaxmatchisi” nominatsiyasiga munosib deb topildi.

Matbuot anjumani doirasida shaxmatni rivojlantirishga munosib hissa qo‘shgan sportchilar, murabbiylar va mutaxassislar bir qator yo‘nalishlar bo‘yicha taqdirlandilar:

• Yilning eng yaxshi yosh shaxmatchisi (12 yoshgacha) — Nurmuhammad Nematillaxonov;

• Yilning eng yaxshi yosh shaxmatchisi (12 yoshgacha) — Xusnora Xusniddinova;

• Yilning eng yaxshi yosh shaxmatchisi (20 yoshgacha) — Afruza Hamdamova;

• Yilning eng yaxshi yosh shaxmatchisi (20 yoshgacha) — Muhiddin Madaminov;

• Yilning eng yaxshi para shaxmatchisi — Marsel Shoyusupov;

• Yilning eng yaxshi ayol para shaxmatchisi — Selbi Kakisheva;

• Yilning eng yaxshi faxriy shaxmatchisi — O‘ktam Sheraliyev;

• Yilning eng yaxshi shaxmat hakami — Komiljon Azizov;

• Yilning eng yaxshi shaxmat tahlilchisi — Ulug‘bek Tillayev;

• Yilning eng yaxshi shaxmat sharhlovchisi — Anton Kim.

Tadbir yakunida barcha g‘oliblar tantanali ravishda taqdirlandi. Ularning yil davomida erishgan yutuqlari, xalqaro maydondagi muvaffaqiyatlari va shaxmat rivojiga qo‘shgan hissasi O‘zbekiston shaxmat maktabining izchil taraqqiyotini yaqqol namoyon etishi alohida ta’kidlandi.