O‘zbekiston yoshlari COP-30da
2025-11-17 18:00:00 / Yangiliklar
Markaziy Osiyo davlatlari, Ozarbayjon va Mo‘g‘uliston yoshlari Braziliyada o‘tayotgan COP-30 doirasida qo‘shma side-eventda o‘z mamlakatlarida ekologiya hamda iqlim o‘zgarishi bo‘yicha amalga oshirilayotgan ishlar haqida fikr almashdilar.
Uchrashuvda O‘zbekistonning iqlim bo‘yicha yosh muzokarachilari — Sugdiona Khushnudbekova, Shahnoza Rahmanova va boshqa faol yoshlar ham ishtirok etdi.
Side-event davomida ishtirokchilar NDC majburiyatlarini bajarish jarayonidagi yutuqlar va mavjud muammolar, shuningdek, yoshlar tomonidan ilgari surilayotgan ekologik tashabbuslar haqida ma’lumot berdilar. Fuqarolarni qaror qabul qilish jarayonlariga jalb etish, yangi loyihalarni ishlab chiqish kabi yo‘nalishlar ham muhokama qilindi.
Yosh ekofaollar uchrashuv yakunida birgalikdagi harakatlar rejasini ishlab chiqdilar. Uchrashuvda ta’kidlanganidek, iqlim o‘zgarishi global muammo bo‘lgani uchun unga qarshi kurash ham yakkama-yakka emas, balki hamkorlikda kechishi lozim.