Vazirlar Mahkamasi huzuridagi elektr energiyasi, neft mahsulotlari va gazdan foydalanishni nazorat qilish inspeksiyasi

Jizzax shahrida ohak ishlab chiqarish sexi 4,6 mlrd so‘mlik tabiiy gazdan noqonuniy foydalangani aniqlandi

Oʻzenergoinspeksiya Jizzax viloyat hududiy boshqarmasi, huquqni muhofaza qiluvchi organlar va gaz taʼminoti korxonasi bilan hamkorlikda oʻtkazgan nazorat tadbirda Jizzax shahrida istiqomat qiluvchi fuqaro D. M. xonadonida tabiiy gazdan noqonuniy foydalanish holatini aniqladi.

Unga ko‘ra fuqaro D. M. o‘z xonodonida ohak ishlab chiqarish sexi tashkil qilib, gaz ta’minoti tashkiloti bilan shartnoma tuzmasdan hisoblagichdan oldin rezina shlang orqali tarmoqqa ulanganligi maʼlum boʻldi.

Ushbu qoidabuzarlik natijasida dastlabki hisob-kitoblarga ko‘ra gaz ta’minoti korxonasiga 4 milliard 691 million so‘mlik zarar yetkazilgan.

Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.