Energetika sohasida kadrlar salohiyati va malakasini oshirishga qaratilgan hamkorlik
2025-08-20 11:00:00 / Yangiliklar
O‘zenergoinspeksiya vakillari bilan Belarus Respublikasining Respublika kasb-hunar ta’limi instituti va O‘zbekiston Milliy energetiklar assotsiatsiyasi o‘rtasida uchrashuv bo‘lib o‘tdi.
Muzokaralar davomida energetika sohasida ikki tomonlama hamkorlikni rivojlantirish, mutaxassislarni tayyorlash va malakasini oshirish, shuningdek sohani yuqori malakali kadrlar bilan ta’minlashga qaratilgan zamonaviy ta’lim dasturlarini joriy etish masalalari ko‘rib chiqildi.
Tomonlar O‘zbekiston energetika sohasining kadrlar salohiyatini mustahkamlashga qaratilgan keyingi hamkorlik va birgalikdagi tashabbuslarni amalga oshirishga tayyorlik bildirdilar.