Xorazm viloyatida ilk marta geotermal energiya hisobiga ishlovchi issiqlik nasosi texnologiyasi joriy etildi
2025-05-01 14:30:00 / Yangiliklar
Ushbu loyiha natijasida:
🔍yiliga 10 ming kub metr gaz tejaladi;
🔍yiliga 100 mln. so‘mgacha qo‘shimcha daromad oladi;
🔍elektromobil akkumulyatorlarining utilizatsiya qilish masalasini ham hal etish imkoniyati mavjud.
Loyiha O‘zbekiston tiklanish va taraqqiyot jamg‘armasi tashabbusi bilan “O‘zeneroginspeksiya”, Koreya energetika agentligi hamda iqlim o‘zgarishi instituti hamkorligida Urganch tumanida joylashgan 27-sonli oilaviy poliklinikasida respublikamizda ilk marta geotermal (yer qa’ri) energiya hisobiga ishlovchi issiqlik nasosi, geliokollektor, quyosh paneli va akkumulyator batareyasi uyg‘unligida ishlovchi binolarni eng zamonaviy energiya ta’minoti tizimi barpo etildi.
Koreya hukumatining grant mablag‘lari hisobiga amalga oshirilgan mazkur loyiha mamlakatimizda energiya samaradorligini oshirish va yoqilg‘i-energetika resurslarini diversifikatsiya qilish imkonini beradi.
Ushbu oilaviy poliklinikada hozirgi kunga kelib mazkur loyiha to‘liq ishga tushirilishi ta’minlandi. Endilikda poliklinikada issiqlik nasosi o‘rnatilishi natijasida tabiiy gazdan isitish maqsadida umuman foydalanilmaydi (yillik qariyb 10 ming kub metr gaz tejaladi).
✈️ Shuningdek, loyiha doirasida o‘rnatilgan 25 kVtli quyosh panellari yordamida elektr energiyasi ishlab chiqarilib, o‘z ehtiyojidan ortiq ishlab chiqilgan elektr energiyasi qismini elektr ta’minot korxonasiga sotish imkoni yaratildi. Buning hisobiga dastlabki hisob-kitoblarga ko‘ra, yiliga 100 mln. so‘mgacha qo‘shimcha daromad olish mumkin.
Shu bilan birgalikda, loyiha doirasida poliklinikani uzulsiz elektr energiyasi ta’minlash imkoniga ega bo‘lgan 64 kVt quvvatdagi akkumulyatorlari o‘rnatilgan bo‘lib, bu akkumulyatorlar elektromobilda foydalanishda bo‘lgan akkumulyatorlarga “ikkinchi xayot” berish, koreya “nou-xau” texnologiyasi asosida ishlab chiqilgan. Mazkur texnologiyani respublikamizda joriy etish, kelajakda elektromobil akkumulyatorlarining utilizatsiya qilish imkoniyatini beradi.
Ushbu loyihaning amalga oshirish orqali nafaqat tibbiyot birlashmasining faoliyatida energiya ta’minotida yuzaga kelishi mumkin bo‘lgan uzulishlarning oldi olindi, balki eng zamonaviy elektr qurilmalari joriy etilishi bilan tejamkorlikka erishildi va qayta tiklanuvchi elektr manbalaridan foydalanish hisobiga budjet tashkilotiga qo‘shimcha daromad olish imkoni yaratildi. Eng asosiysi atrof muhitga zararli gaz chiqarilishi oldi olindi.