O’zenergoinspeksiyada Vazirlar Mahkamasining 242-son qarori ijrosi muhokama qilindi
2026-10-16 17:15:00 / Yangiliklar
O’zenergoinspeksiyada boshliq o’rinbosarlari, boshqarma, bo’lim va hududiy boshqarma boshliqlari ishtirokida majlis bo’lib o’tdi. Unda Vazirlar Mahkamasining 2026-yil 14-maydagi 242-son qarorida belgilangan ko’rsatkichlar ijrosi ko’rib chiqildi. Mazkur qaror iqtisodiyot tarmoqlarida energiya samaradorligini oshirish hamda elektr energiyasi va tabiiy gazni tejashga qaratilgan.
Qarorga ko’ra, 2026-yil yakuniga qadar 1 413 million kVt elektr energiyasi va 731 million kub metr tabiiy gaz iqtisod qilinadi. Shuningdek, quvvati 3250 MVt bo’lgan quyosh va shamol elektr stansiyalari ishga tushiriladi.
Inspeksiyaning 14 ta obyektida geliokollektor va quyosh panellari o’rnatiladi, nostandart qozonlar almashtiriladi, fasad va tomlar izolyatsiya qilinadi.
Majlis yakunida mas’ul boshqarmalarga aniq topshiriqlar berildi. Ijro holatini har hafta va oy yakunlarida tanqidiy muhokama qilib borish belgilandi.