Vazirlar Mahkamasi huzuridagi elektr energiyasi, neft mahsulotlari va gazdan foydalanishni nazorat qilish inspeksiyasi

Tadbir davomida korporativ madaniyatning asosiy tarkibiy qismlari — tashkilot missiyasi, qadriyatlar, fe’l-atvor modellari, boshqaruv uslubi, muloqot tizimi, an’ana va urf-odatlar hamda tashkilot ramzlari haqida fikr almashildi. Shuningdek, qadriyatlarning tashkilot faoliyati va boshqaruv jarayonlaridagi o‘rni, ularni amaliyotga tatbiq etish masalalari muhokama qilindi.

Seminarda xalqaro kompaniyalar misolida korporativ qadriyatlarning tashkilot samaradorligi va jamoaviy muhitga ta’siri haqida ma’lumotlar berildi. Jumladan, kompaniyalarda qadriyatlarning aniq maqsad va tamoyillar bilan uyg‘unlashtirilishi, har bir xodimning umumiy natijaga qo‘shadigan hissasi haqida fikr yuritildi.

Tadbir yakunida jamoada o‘zaro hurmat, tashabbuskorlik, mas’uliyat va ijobiy munosabatlarni mustahkamlash, xodimlarning shaxsiy rivojlanishi orqali tashkilot samaradorligini oshirish muhimligi qayd etildi. Seminar ishtirokchilari o‘zlarini qiziqtirgan masalalar yuzasidan fikr va mulohazalarini bildirdilar.