Jahon banki vakillaridan iborat delegatsiya bilan hamkorlik uchrashuvi o‘tkazildi
2026-07-17 15:30:00 / Yangiliklar
Jahon bankining O‘zbekiston energetika sektori bo‘yicha texnik ko‘mak missiyasi delegatsiyasining tashrifi doirasida O‘zenergoinspeksiya boshlig‘i Dadajon Isaqulov bilan uchrashuv bo‘lib o‘tdi.
Uchrashuv davomida "Energiyani tejash, undan oqilona foydalanish va energiya samaradorligini oshirish to‘g‘risida"gi Qonuni asosida Inspeksiyaning amalga oshiriladigan ishlar bo‘yicha tushuntirishlar berildi. Shuningdek, ushbu qonunchilikda belgilangan talablarga rioya etilishi ustidan davlat nazoratini amalga oshirilishi, majburiy energiya auditlari ishlari va qonunbuzilishi holatlari bo‘yicha ko‘riladigan chora-tadbirlar muhokama qilindi.
Mazkur uchrashuv Jahon bankining O‘zbekistonda energetika sohasidagi strategik hamkorlikni mustahkamlashga qaratilgan davomiy muloqotning navbatdagi bosqichi bo‘ldi.