Gaz tarmoqlarini mukammal ta’mirlash va rekonstruksiya ishlari o‘rganilmoqda
2026-07-12 12:25:00 / Yangiliklar
O‘zenergoinspeksiya tomonidan Namangan viloyatida gaz tarmoqlarini 2026-yilda mukammal ta’mirlash va rekonstruksiya qilish bo‘yicha amalga oshirilayotgan ishlar ko‘rikdan o‘tkazilmoqda.
Xususan, gaz ta’minoti korxonasi tomonidan 2026-yilda 30,7 km gaz tarmoqlari mukammal ta’mirlash va 1 km gaz tarmoqlari rekonstruksiya qilish rejaga kiritilgan bo‘lib, amalda bugunga qadar, viloyatda 11,5 km gaz tarmoqlari mukammal ta’mirlash ishlari amalga oshirilgan.
Shuningdek, turli diametrdagi gaz quvurlari estetik tartibga keltirilmaganligi, tartibsiz ulanganligi hamda gaz taqsimlash qurilmalarida profilaktika va reveziya ishlari o‘tkazilmaganligi ma’lum bo‘ldi.
O‘tkazilgan ko‘rik davomida aniqlangan kamchiliklarni bartaraf etish bo‘yicha hududdagi mas’ullarga ko‘rsatmalar berildi.