Vazirlar Mahkamasi huzuridagi elektr energiyasi, neft mahsulotlari va gazdan foydalanishni nazorat qilish inspeksiyasi

Yig‘ilish avvalida, sohada korrupsiyaning oldini olish bo‘yicha amalga oshirilgan ishlar natijadorligi va kelgusidagi ustuvor vazifalarga alohida to‘xtalib o‘tildi.

So‘ngra, energiya resurslaridan samarali va oqilona foydalanish bo‘yicha ishlarni jadallashtirish, iste’molchilar orasida resurslarni iqtisod qilish borasidagi profilaktik targ‘ibot tadbirlarini kuchaytirish va energiya audit ishlarini to‘g‘ri tashkil etish bo‘yicha tegishli ko‘rsatmalar berildi.

Shuningdek, energetika obyektlarida ekspluatatsiya ishlari hamda ushbu obyektlarda doimiy ravishda o‘rganishlarni tashkil etish masalalariga alohida to‘xtalib o‘tildi.  

Shu bilan birga, Inspeksiyaning nazorat-kimyo laboratoriyalari tomonidan iste’molchilarga sifatli neft mahsulotlari yetkazib berish doirasida doimiy ravishda nazorat tadbirlari olib borilishi yuzasidan ko‘rsatmalar berildi.

Shuningdek, yig‘ilishda sohada sun'iy intellektni joriy etish hamda xodimlarda ushbu yo‘nalish bo‘yicha bilim va malakasini oshirish bo‘yicha o‘quv kurslarini tashkil etishga alohida to‘xtalib o‘tildi.