"Toshkent-2" gaz taqsimlash stansiyasida o'quv-amaliy mashg'uloti o‘tkazildi
2026-04-28 14:35:00 / Yangiliklar
O‘zenergoinspeksiya Toshkent viloyat hududiy boshqarmasi xodimlari uchun Qibray tumanida joylashgan "Toshkent-2" gaz taqsimlash stansiyasida o‘quv seminari tashkil etildi.
Unda "Yangiyer-Toshkent" magistral gaz quvurining 200-kmga ulangan "Toshkent-2" gaz taqsimlash stansiyasi yuqori bosimli tabiiy gazni kerakli bosimga tushirib, Toshkent shahar aholisini 50 foizini tabiiy gaz bilan ta'minlashi borasida ishlar bilan yaqindan tanishildi.
Shuningdek, ushbu gaz taqsimlash stansiyasida mavjud qurilmalarning ishlash jarayoni, tabiiy gazga kimyoviy moddalar orqali ishlov berish hamda aholiga uzluksiz va bir maromda sifatli tabiiy gaz yetkazib berish holatlari bo‘yicha batafsil ma’lumot berildi.
Mazkur seminar xodimlar ish faoliyatining samaradorligini oshirishga katta xizmat qiladi.