Oʻzenergoinspeksiyada “Rahbar va yoshlar uchrashuvi” o‘tkazildi
2026-03-05 13:30:00 / Rahbariyatning bayonotlari va nutqlari
Davlatimiz rahbarining Yoshlar bilan bo‘lib o‘tgan muloqotida haftaning har payshanba kuni vazirlik, idora va hokimliklarda “Yoshlar kuni” etib belgilangani munosabati bilan Oʻzenergoinspeksiyada “Rahbar va yoshlar uchrashuvi” tashkil etildi.
Uchrashuvda Oʻzenergoinspeksiya boshlig‘i D. Isaqulov sohada faoliyat yuritayotgan yosh xodimlar bilan ochiq muloqoti bo‘lib o‘tdi. Unda yoshlarga oid davlat siyosatini amalga oshirish, ularning tashabbuslarini qo‘llab-quvvatlash va sohadagi faol ishtirokini ta’minlash masalalari muhokama qilindi.
Jumladan, yoshlarning taklif va tashabbuslari tinglandi, yoqilg‘i-energetika sohasida yoshlarga yaratilayotgan imkoniyatlar, ularga ko‘rsatilayotgan e’tibor hamda tarmoqni yanada rivojlantirishga qaratilgan takliflar yuzasidan fikr almashildi.