Hurmatli hamkasblar, hamkorlar va vatandoshlar!

O‘zbekiston Respublikasida qonun ustuvorligini mustahkamlash, davlat boshqaruvining ochiqligi va shaffofligini oshirish hamda korrupsiyaning har qanday ko‘rinishiga nisbatan murosasizlikni shakllantirishga qaratilgan islohotlar izchil amalga oshirilmoqda. Yaratilgan mustahkam huquqiy zamin korrupsiyaga qarshi kurashishni 2026-yilda ham davlat siyosatining asosiy ustuvor yo‘nalishlaridan biriga aylantiradi.

Bugungi kunda korrupsiyaga qarshi kurashish huquqbuzarliklarga munosabat bildirish doirasidan ancha kengayib, bunda korrupsiyaviy xavf-xatarlarning oldini olish, ularni o‘z vaqtida aniqlash va tizimli ravishda bartaraf etishga alohida e’tibor qaratilmoqda. Manfaatlar to‘qnashuviga yo‘l qo‘ymaslik, davlat xaridlari va shartnomaviy munosabatlarning imkon qadar shaffofligini ta’minlash, shuningdek, xodimlar o‘rtasida huquqiy madaniyat va axloqiy me’yorlarni doimiy ravishda yuksaltirish ustuvor vazifalar bo‘lib qolmoqda.

2025-yilda “O‘zatom” agentligi korrupsiyaga qarshi kurashish chora-tadbirlarini amalga oshirishda faol ishtirok etdi. Agentlik O‘zbekiston Respublikasi Prezidentining qaroriga muvofiq korrupsiyaga qarshi kurashish samaradorligini baholash reyting tizimiga kiritildi. Amaldagi qonunchilikka to‘liq mos keladigan 14 dan ortiq ichki normativ-huquqiy hujjat ishlab chiqildi va qabul qilindi. Agentlik hamda uning tasarrufidagi tashkilotlarda korrupsiyaga qarshi kurashish bo‘yicha tasdiqlangan dasturda nazarda tutilgan barcha chora-tadbirlar bajarildi. Korrupsiyaga nisbatan murosasizlik muhitini shakllantirish maqsadida o‘quv seminarlari, davra suhbatlari o‘tkazildi, uslubiy va taqdimot materiallari ishlab chiqildi, xodimlar “Korrupsiyaga qarshi kurashish virtual akademiyasi” platformasida maxsus kurslarda o‘qidilar.

2026-yilda asosiy e’tibor quyidagi yo‘nalishlarga qaratiladi:

• Agentlik faoliyatidagi korrupsiyaviy xavf-xatarlarni kompleks baholash va minimallashtirish;
• manfaatlar to‘qnashuvining oldini olish va uni bartaraf etish mexanizmlarini takomillashtirish;
• davlat xaridlari va shartnomalar tuzish sohasida ochiqlik va shaffoflikni yanada oshirish;
• halollik, o‘z ishiga fidoyilik va xizmat intizomi tamoyillarini mustahkamlash;
• korrupsiya holatlari bo‘yicha murojaatlarni ko‘rib chiqish tizimini, jumladan, xabar beruvchilarni himoya qilishning ishonchli vositalarini optimallashtirish va kuchaytirish.

Xodimlar o‘rtasida korrupsiyaga qarshi kurashish madaniyatini kengaytirishga qaratilgan treninglar, seminarlar va profilaktik tadbirlar muntazam o‘tkazib boriladi.

Korrupsiyaga qarshi kurashish - bu barchamizning umumiy va shaxsiy mas’uliyatimiz, kasbiy sha’nimiz va vijdonimiz ifodasidir.

“O‘zatom” agentligi korrupsiyaning har qanday shakliga nisbatan prinsipial murosasiz ekanini tasdiqlaydi hamda halollik va shaffoflik o‘z faoliyatining asosiy tamoyillari bo‘lib qolishini ma’lum qiladi. Biz korrupsiyaviy xavf-xatarlarga olib keluvchi har qanday omillarni bartaraf etish bo‘yicha tizimli ishlarni davom ettiramiz va har bir xodimni qonunchilik talablariga xizmat burchining ajralmas qismi sifatida qat’iy rioya etishga da’vat etamiz.

Hurmatli hamkorlar va fuqarolar!

Agar sizga Agentlik xodimlarining korrupsiyaviy xatti-harakatlari yoki boshqa huquqbuzarlik holatlari ma’lum bo‘lsa, (71)202-09-14, (71)203-66-55, (71)202-09-11 ishonch telefonlariga, @antikoruzatom_bot Telegram botiga yoki info@uzatom.uz elektron pochtasiga xabar berishingizni so‘raymiz. Barcha murojaatlar qat’iy maxfiylik saqlangan holda qonun doirasida zudlik bilan chora ko‘rish uchun o‘rganib chiqiladi.

Hurmatli hamkasblar!

Korrupsiyaga qarshi kurashish me’yorlariga rioya etish, manfaatlar to‘qnashuviga yo‘l qo‘ymaslik va qoidabuzarliklar to‘g‘risida o‘z vaqtida xabardor qilishda har birimizning shaxsiy namuna ko‘rsatishimiz – Agentlik obro‘sini mustahkamlash, yuksak ishonch va kasbiy muhit sofligini ta’minlashning garovidir.

“O‘zatom” agentligining barcha xodimlari, tizimidagi tashkilotlarni, hamkorlarimiz va jamoatchilikni korrupsiyaga qarshi kurashish sohasidagi qonunchilik talablariga qat’iy rioya etishga hamda halollik va adolat tamoyillarini kundalik faoliyatning ajralmas asosiga aylantirishga chaqiraman.

Hurmat bilan, 
A. Axmedxadjayev