“Barqaror rivojlanishga erishishda IHT mamlakatlarida atom energiyasidan tinchlik maqsadlarida foydalanishning ekologik va ijtimoiy jihatlari” mavzusida navbatdagi sessiyada ekspertlar atom energiyasidan foydalanishning ijtimoiy-iqtisodiy va ekologik jihatlariga, shuningdek ushbu texnologiyalarining atrof- muhit va aholi salomatligiga ta’siriga e’tibor qaratdilar.

Atom energiyasini jamoatchilik tomonidan idrok etish va fuqarolarni xabardor qilishga strategik yondashuvga alohida e’tibor qaratildi.
Mutaxassislar jamiyat bilan oshkoralik va ochiq muloqot yadro texnologiyalarini muvaffaqiyatli joriy etishining ajralmas elementlari ekanligini ta’kidladilar.

Ishtirokchilar yadro texnologiyalarining barqaror rivojlanish uchun, ayniqsa energiya xavfsizligi, uglerod chiqindilarini kamaytirish va ekologik barqarorlikni ta’minlash sharoitida muhimligini ta’kidladilar.