O'zbekiston Respublikasi Vazirlar Mahkamasi huzuridagi Atom energiyasi agentligi "O'zatom"

Atom energiyasidan tinch maqsadlarda foydalanish istiqbollariga bag'ishlangan xalqaro konferensiyada XAEA (IAEA) bosh direktori Rafael Grossi va O'zbekiston Respublikasi Vazirlar Mahkamasi huzuridagi atom energiyasi agentligi direktori Azim Axmedxajayev bilan ommaviy axborot vositalari vakillari uchun brifing bo'lib o'tdi. 

Rafael Grossi o'z nutqida tadbirning asosiy natijalari bilan o'rtoqlashdi va Islom hamkorlik tashkilotiga (IHT) a'zo davlatlar o'rtasida atom energetikasi sohasida hamkorlik muhimligini shuningdek, atom energiyasi iqtisodiy barqarorlikni ta'minlash va iqlim o'zgarishiga ta'sirini minimallashtirish uchun xavfsiz va samarali energiya manbalarini taklif qilish orqali mamlakatlarning barqaror rivojlanishiga hal qiluvchi ta'sir ko'rsatishi mumkinligini ta'kidladi. Grossi milliy dasturlar uchun xalqaro tajriba va eng sinalgan texnologiyalarni moslashtirish orqali atom energiyasidan xavfsiz va mas'uliyatli foydalanishni ta'minlash zarurligi haqida fikr bildirdi. 

U mintaqaviy sheriklikni shakllantirish muhimligini ta'kidlay turib, xalqlar manfaati uchun boshqa tashkilotlar bilan munosabat va texnologiyalarni rivojlantirishga ko'maklashuvchi ta'lim dasturlari va ilmiy hamkorlikning ahamiyatiga alohida to'xtaldi. Asosiy nutqdan so'ng Grossi jurnalistlarning barcha savollariga javob berdi va atom energiyasini qo'llashning turli yo‘nalishlari, shu jumladan tibbiyot, qishloq xo'jaligi va energetikadagi rolini, xavfsizlik va xatarlarni boshqarish masalalarini alohida urg‘u berdi.

Brifingni O'zbekiston Respublikasi Vazirlar Mahkamasi huzuridagi atom energiyasi agentligi direktori Azim Axmedxadjayev davom ettirdi, u konferensiyaning dolzarbligini yuqori baholab, tadbirda umumiy 500 ta delegat xususan, ulardan 150 tasi 30 mamlakatdan ishtirok etganlari to‘g‘risida axborot berdi. Uning ta'kidlashicha, ushbu tadbir O'zbekiston uchun barqaror rivojlanish maqsadlariga erishish va ilg'or texnologiyalarni o'zlashtirishga intilishini namoyish etib, muhim qadam bo'ldi. Konferensiya xalqaro hamjamiyatga O'zbekistonning atom energetikasiga jiddiy yondashuvini namoyish etdi, shuningdek, mamlakatda qurilishi ko‘zda tutilgan kichik quvvatli atom stansiyasini (KQAS) innovatsion loyihasiga barchaning e'tiborini tortdi.

Tadbir doirasida memorandumlar va kelishuvlar imzolangani haqida xabar berar ekan, Azim Axmedxadjayev xalqaro hamkorlikning energiya xavfsizligini ta'minlash va iqlim o'zgarishiga qarshi kurashda muhim rol o'ynaydigan atom energetikasini rivojlantirish ahamiyatiga e'tibor qaratdi. U mintaqada atom energetikasining o'sishi uchun mustahkam poydevor yaratib, ishtirokchi davlatlar o'rtasida faol muloqot va qo'shma loyihalarni davom ettirishga umid bildirdi.

Ushbu xalqaro konferensiya nafaqat milliy va xalqaro ekspertlar balki, bo'lajak mutaxassislar uchun ham fikr almashishda muhim platforma bo‘lib xizmat qildi.