12-noyabr kuni “O‘zatom” agentligida “AES qurilishi direksiyasi” davlat korxonasi va Rossiya Federatsiyasining “Rosatom” davlat korporatsiyasi boshqaruv tizimiga kiruvchi tashkilotlari bilan texnik seminar ish boshladi
2024-11-12 22:00:00 / Yangiliklar
12-noyabr kuni “O‘zatom” agentligida “AES qurilishi direksiyasi” davlat korxonasi va Rossiya Federatsiyasining “Rosatom” davlat korporatsiyasi boshqaruv tizimiga kiruvchi tashkilotlari “ATOMSTROYEKSPORT” AJ, “ATOMENERGOPROEKT” AJ, “I.I. Afrikantov nomidagi Mashinasozlik Tajriba Konstruktorlik Byurosi” AJ mutaxassislari bilan hamkorlikda “O‘zbekiston Respublikasida KQASning xavfsizlik bo‘yicha asosiy konsepsiyasi, RITM-200 reaktor qurilmalarini ekspluatatsiya qilish tajribasi” mavzusida texnik seminar ish boshladi.
Unda "O'zatom" agentligi, "AES qurilishi direksiyasi" DK xodimlari, mutasaddi vazirlik va idoralar vakillari hamda ekspertlar ishtirok etdilar.
Mazkur seminardan ko'zlangan maqsad Oʻzbekiston Respublikasida qurilishi ko'zda tutilayotgan kichik quvvatli atom stansiyasi (KQAS) uchun RITM reaktor qurilmasining texnik yechimi, xususiyatlari, RITM-200N yer usti kichik quvvatli atom stansiyasi xavfsizligini ta’minlash konsepsiyasi, uning xavfsizligi tahlili natijalari, KQAS reaktor qurilmasi yoqilg‘isini qayta yuklash va yadro yoqilg‘isi bilan ishlashda asosiy transport-texnologik yechimlar, shuningdek, qattiq va suyuq radioaktiv chiqindilar bilan muomala qilish kabi yadro energiyasi sohasi uchun dolzarb bo'lgan mavzularda ekspert va mutaxassislar o'rtasida ochiq muloqot formatini tashkil etishdan iborat bo'ldi.
⚡️ Seminar davomida “ATOMENERGOPROEKT” AJ Bosh direktorning birinchi o‘rinbosari - Birlashgan loyiha instituti bosh muhandisi Ilyinskiy Konstantin Mixaylovich, Atom elektr stansiyalarini ekspluatatsiya qilish bo‘yicha bosh muhandis Tolstov Evgeniy Viktorovich, “OKBM Afrikantov” AJ Bosh konstruktor Dushev Sergey Anatolievich, Bosh konstruktor o‘rinbosari Shyokin Dmitriy Vladimirovich hamda boshqa mutaxassislarning ma'ruzalari tinglandi, soha xodimlari mavzularga oid o'zlarini qiziqtirgan barcha savollarga atroflicha javob oldilar.
Xususan, ushbu tadbir tomonlar uchun o'zaro fikr almashish va tajriba orttirish uchun keng maydonga aylandi.
🔗 Tadbir 14-noyabrgacha davom etadi.