Shaffoflik va mas'uliyat: “O‘zatom” agentligi ISO 37001:2025 sertifikatini qo‘lga kiritdi
2026-10-20 15:00:00 / Yangiliklar
Bugun “O‘zatom” agentligida xalqaro miqyosdagi ISO 37001:2025 «Korrupsiyaga qarshi kurashish menejmenti tizimlari — Talablar va qo‘llash bo‘ycha qo‘llanma» standartiga muvofiqlik sertifikatini topshirish marosimi bo‘lib o‘tdi.
Mazkur standartni joriy etish O‘zbekiston Respublikasi Vazirlar Mahkamasining 2026-yil 30-martdagi 124-sonli qarori ijrosini ta'minlash doirasida amalga oshirildi. Joriy yilning iyul va oktabr oylarida CERT International auditorlari Agentlikning korrupsiyaga qarshi kurashish menejment tizimini baholashdan o‘tkazdilar va uning xalqaro standart talablariga to‘liq muvofiqligini tasdiqladilar.
Ushbu sertifikatning qo‘lga kiritilishi Agentlik uchun prinsipial ahamiyatga ega: u nafaqat eng ilg‘or xalqaro tajribalarga muvofiqlikni muhrlaydi, balki atom tarmog‘idagi jarayonlarning shaffofligi hamda prognoz qilinuvchanligini oshirib, hamkorlarning ishonchini yanada mustahkamlaydi.
“O‘zatom” agentligi direktori o‘rinbosari Nozim Muksinov ta'kidlaganidek:
“Biz uchun halollik va korrupsiyaga nisbatan tamoyillari kundalik faoliyatimizning ajralmas qismiga aylanishi nihoyatda muhimdir. ISO 37001:2025 standarti bo‘yicha sertifikatlashtirish — bu biz aynan shunday madaniyatni tizimli ravishda shakllantirayotganimizning tasdig‘idir”.
Tadbirda CERT International xalqaro sertifikatlashtirish organi direktori Riad Ibragimov ishtirok etdi. Audit yakunlarini sharhlar ekan, u shunday dedi:
O‘zatom” agentligi korrupsiyaga qarshi menejment tizimini joriy etishda yetuk va izchil yondashuv namoyish etdi. ISO 37001:2025 standartiga muvofiqlik tashkilotning yuqori darajadagi mas'uliyati va xalqaro shaffoflik talablariga javob berishga tayyorligidan dalolat beradi”.
Tadbir doirasida ichki korrupsiyaga qarshi nazorat bo‘linmasi xodimlariga CERT Academyning “ISO 37001:2025 standarti bo‘yicha korrupsiyaga qarshi kurashish menejmenti tizimi menejeri / ichki auditori” dasturi bo‘yicha sertifikatlar ham topshirildi.
ISO 37001:2025 standartining joriy etilishi «O‘zatom» agentligining shaffoflikni oshirish va ichki nazorat tizimini mustahkamlash borasidagi izchil faoliyatidagi navbatdan tashqari muhim qadami bo‘ldi. Orttirilgan tajriba va jarayonlar tashkilotda halol boshqaruvni yanada rivojlantirish uchun ishonchli poydevor yaratadi.