Qo‘ng‘irotda sug‘orish tarmoqlarini tozalash va betonlashga tayyorlash ishlari jadal olib borilmoqda.
2025-09-09 14:25:00 / Yangiliklar
Qo‘ng‘irot tumani “Suv yetkazib berish xizmati” davlat muassasasi tomonidan kuz-qish mavsumida 21,0 km uzunlikdagi kanallarni tozalash, 7 ta gidrotexnik inshoot va 6 ta suv o‘lchash gidropostlarini ta’mirlash rejalashtirilgan.
Mas’ullar bu boradagi ishlarni allaqachon boshlab yuborishgan. Bugungi kunga kelib «Miynetabad» va «Ko‘kdarya» OFY hududlarini suv bilan ta’minlovchi “R1-A” kanalining 2,1 km oralig‘ida qazib tozalash ishlari olib borildi va bu ishlar davom etmoqda.
Shu bilan birga muassasa hisobidagi «Altinko‘l» kanalida joylashgan gidrotexnik inshootlarda va «Jingishke» kanalidagi suv o‘lchash gidropostlarida ham ta’mirlash ishlari olib borildi.
Qo‘ng‘irot tumanida 2025-2026 yillar kuz-qish mavsumida “Suv yetkazib berish xizmati” davlat muassasasi hisobidagi 8 km uzunlikdagi kanallarni betonlashtirish rejalashtirilgan bo‘lib, shundan bugungi kunda «Jingishke» MFY va «Kiyet» OFY hududlarini suv bilan ta’minlovchi «Ayran jap» kanalida betonlashtirish ishlari olib borilmoqda.
Qoraqalpog‘iston Respublikasi
Suv xo‘jaligi vazirligi matbuot xizmati