Surxondaryoda suv xo‘jaligini raqamlashtirish bo‘yicha ustuvor vazifalar belgilab olindi
2026-08-14 12:05:00 / Yangiliklar
Unda Suv xo‘jaligi obyektlarini ekspluatatsiya qilish agentligi direktorining birinchi o‘rinbosari Ilhom Jo‘rayev, Amu-Surxon irrigatsiya tizimlari havza boshqarmasi rahbariyati, tizim tashkilotlari rahbarlari hamda sohada raqamlashtirish yo‘nalishi uchun mas’ul xodimlar ishtirok etdi.
Yig‘ilishda suv xo‘jaligi obyektlarini boshqarishda raqamli texnologiyalardan keng foydalanish, zamonaviy axborot tizimlarini amaliyotga joriy etish, ma’lumotlarni tezkor shakllantirish va ularning aniqligini ta’minlash masalalari atroflicha ko‘rib chiqildi.
Shuningdek, tizim tashkilotlarida raqamlashtirish bo‘yicha amalga oshirilayotgan ishlar holati tahlil qilinib, mavjud axborot tizimlaridan samarali foydalanish, ma’lumotlarni elektron shaklda yuritish, hisobot va monitoring jarayonlarini takomillashtirishga alohida e’tibor qaratildi.
Yig‘ilish davomida suv xo‘jaligi obyektlarida raqamli yechimlarni joriy etish orqali ish jarayonlarini tezlashtirish, inson omilini kamaytirish, ma’lumotlar almashinuvini yaxshilash va boshqaruv qarorlarini qabul qilishda aniq ma’lumotlarga tayanish muhim ekani ta’kidlandi.
Ayniqsa, tizim tashkilotlarida mavjud raqamli imkoniyatlardan to‘liq foydalanish, mas’ul xodimlarning axborot texnologiyalari bo‘yicha ko‘nikmalarini oshirish va har bir yo‘nalishda raqamlashtirish ishlarini tizimli tashkil etish zarurligi qayd etildi.
Raqamli texnologiyalarni joriy etishni alohida loyiha sifatida emas, balki suv xo‘jaligi tizimini samarali boshqarishning muhim vositasi sifatida ko‘rish zarurligini ta’kidladi.
Shuningdek, hududiy tashkilotlarda raqamlashtirish bilan bog‘liq mavjud muammolar, ularni bartaraf etish yo‘llari va bu boradagi ishlarni yanada jadallashtirish masalalari yuzasidan fikr almashildi.
Yig‘ilish yakunida belgilangan vazifalarni o‘z vaqtida va sifatli bajarish, raqamli texnologiyalardan foydalanish samaradorligini oshirish hamda tizim tashkilotlarida bu yo‘nalishdagi ishlarni kuchaytirish bo‘yicha mas’ullarga tegishli topshiriqlar berildi.