“Suv xo‘jaligi sohasida xotin-qizlar yetakchiligi” mavzusida trening: tahliliy axborot
2026-04-13 17:50:00 / Yangiliklar
O‘zbekiston Respublikasi Suv xo‘jaligi vazirligi hamda Shveysariya taraqqiyot va hamkorlik agentligi hamkorligida tashkil etilgan ushbu tadbir sohada gender tengligini ta’minlash, ayollarning boshqaruvdagi ishtirokini kengaytirish hamda ularning yetakchilik salohiyatini oshirishga qaratilgan.
Tadbir gibrid formatda o‘tkazilmoqda: Nukus shahridagi ishtirokchilar mashg‘ulotlarda oflayn tarzda qatnashar ekan, jarayon Toshkent shahridagi markaziy studiya bilan onlayn tarzda bog‘langan holda olib borilmoqda. Bu esa respublika miqyosida yagona dastur asosida bilim berish va tajriba almashish imkonini yaratmoqda.
Loyihaning Qoraqalpog‘iston Respublikasidagi mas’ul vakili Saodat Xudaybergenova trening jarayonlarini muvofiqlashtirib, ishtirokchilarni samarali faoliyatga yo‘naltirmoqda. Uning rahbarligida qatnashchilar kichik guruhlarga ajratilgan holda amaliy mashg‘ulotlarda ishtirok etib, yetakchilikka oid mavzularni muhokama qilmoqdalar.
Seminar-trening davom etmoqda va jarayonlar bo‘yicha yana axborot berib boramiz.